|
Elbilen
er knallbilleg når det gjeld drivstoff, og ved å skifte straumleveradør kan
ein faktisk spare pengar nok til å betale ein stor del av straumrekninga til
bilen. Slik som den vesle elbilen er suverent rimlegare enn dei store
bensinbilane når det gjeld drifstoffutgifter, kan dei små straumleverandørane
ofte tilby lågare prisar enn dei store.
På slutten av denne sida finn du eit
tilbod som overgår det meste, -og det gjeld berre lesarar av denne sida!
Drivstoff for 10 øre kilometeren
Det er
berre å slå det fast først som sist: Det er utruleg rimeleg å kjøpe
drivstoff til elbilen. Det er to grunnar til det. Samanlikna med bensin er
straum svært rimeleg, og ein elektrisk motor nyttar drivstoffet mykje meir
effektivt enn ein bensinmotor. I den siste går faktisk 75% av den kostbare
bensinen rett ut i atmosfæra som varme slik at berre fjerdeparten vert nytta
til å drive bilen fram. Det er ei god oppleving å legge kilometrane bak seg i
ein elbil og vite at turen er nesten gratis. Dei 30 km tur/retur til
arbeidsplassen min kostar med dagens straumprisar omlag 3 kr i drivstoff! At
eg i tillegg har spart 54 kr i bompengar blir rein bonus. |
Skift straumleverandør og køyr elbil gratis!
Då eg skifte straumleverandør i vinter var prisforskjellen på 3 øre/kWh. Dersom prisskilnaden held seg konstant, kan eg køyre gratis med elbilen til og frå arbeid heile året! Grunnen til dette er både at det er billig å køyre elbil, og at det er pengar å hente på skifte av straumleverandør. Her er reknestykket:
Spart på skifte av energileverandør:
Prisreduksjon:
3 øre/kWh
Totalforbruk straum (einebustad og elbil): 25 000 kWh
Total innsparing pr. år: 25
000 kWh * 0,03 kr/kWh = 750
kr
Total
straumkostnad elbil tur-retur arbeid eitt år:
Total kostnad
pr. år: 260
dagar * 30 km/dag * 0,10 kr/km = 780 kr
Akkurat no er prisforskjellane mindre og reknestykket vert noko annleis. Men i mellomtida har dei store aktørane i marknaden innført eit såkalla fastbeløp som varierer frå 124 kr til 372 kr i året. Dette tilsvarar ein auke i straumprisen på 0,6 - 1,8 øre/kWh for ein abonnent med forbruk på 20 000 kWh/år. Det er altså framleis pengar å tene på å forlate dei store leverandørane. Sjå elles spesialtilbodet lenger nede på sida. Ved å gå inn på dette vil dei fleste få innsparingar som er omlag som reknestykket over.
Krav til min straumleverandør
Mange
spør seg om det er bryet verdt å følgje med på straumprisar og skifte
straumleverandør. Mitt svar er altså eit klart ja, men det er viktig å velje
rett leverandørar. Eg har sett opp følgjande krav til min straumleverandør:
Bransjekunnskap
og informasjon
Det har dukka opp ein del reine
kraftmeglarar som kjøper og sel straum utan å produsere sjølv. Det er
knappe marginer i marknaden og stor risiko i samband med dette. Derfor har
vi sett at kraftmeglarar har gått konkurs med dei ulempene det har ført
med seg for kundane. Difor vel eg ein leverandør som har tradisjonar frå
energibransjen, og som har ein solid eigar. Der møter eg kontaktpersonar
som har kunnskap om dei ulike sidene ved omsetning av kraft og såleis kan
gje meg god informasjon og rådgjeving. I tillegg krev eg god informasjon
ved endring i prisar og andre vilkår.
Dei
små er ofte rimelegare enn dei store
Kraftprisen er sett saman av nettleige som alltid skal betalast til lokalt
energiverk, og energidel som kan kjøpast fritt av den leverandør ein finn
mest gunstig. Svært mange tek ikkje bryet med å skifte leverandør og
store energiverk sit dermed med ei stor og relativ stabil lokal kundemasse.
Ved å sette opp prisen eit par øre eller legge på nye gebyr tener dei store summar utan at dette
skremmer kundane vekk. Små kraftleverandørar må i større grad kjempe om
kundane og nytte pris som våpen i denne kampen.
Som val av bil- så vart mitt val av straumleverandør: Liten, kjapp og
litt annleis!
Difor valde eg Kvinnherad Energi. Dette er ein kraftleverandør med sin basis i kraftkommunen Kvinnherad og med stabil og god økonomi. Dei er mykje mindre enn storebror Fjordkraft (tidl. BKK) og har lågare prisar enn denne. Avgjerande er det også at energiverket er lokalisert i Hordaland og ser på heile fylket som sitt satsingsområde. Dette borgar for god og litt personleg oppfølging og service.
Spesialtilbod til alle elbil-interesserte i Hordaland og på Haugalandet
Eg tok kontakt med Kvinnherad Energi for å be om litt sponsing til dekning av utgifter til desse elbil-sidene. Det måtte vere i eit kraftlags interesse å støtte informasjon for overgang til elektrisitet som energikjelde, tenkte eg. Det viste seg at energiverket gjerne ville markere seg positivt overfor ein marknad av miljøbevisste kundar. Sjølvsagt gjer energiverket dette for å få fleire kundar, men det må vere greitt så lenge kundane tener på det! Dei kom med eit svært godt tilbod, og det gjeld altså berre dei som tingar via denne sida. Eg trur faktisk at dette gjev landets beste pris komande halvår.
(NB! Kvinnherad Energi leverer kun til abonnentar i Hordaland og på Haugalandet.)
·
Rabatt
2,0 øre/kWh på gjeldande pris.
·
Ingen
gebyr!
·
Tilbodet
gjeld flytande pris som er den avtaleforma som er aktuell for dei aller fleste
·
Rabatt-tilbodet på
2,0 øre/kWh gjeld frå tinging
og i eit halvt år fram for nye kundar i Kvinnherad
Energi, men berre dei som tingar via denne sida!
Her er pengar å spare, slik går du fram:
Ta
fram ein straumfaktura, den inneheld alle opplysningar du treng.
Klikk
på linken under og skriv inn opplysningane det blir spurt etter.
Du
får tilsendt kontrakt frå ny leverandør, og tre veker fram etter førstkommande
mandag er skiftet i orden.
Avlesing
av målar held fram som før til lokalt energiverk, her blir ingen endring.
Rabatt 2 øre Ingen gebyr |